21. தீவினையச்சம்(Theevinaiyachcham) - Dread of Evil Deeds
| அறத்துப்பால்(Araththuppaal) – Virtue | |
| இல்லறவியல்(Illaraviyal) - Domestic Virtue | |
| தீவினையச்சம்(Theevinaiyachcham) - Dread of Evil Deeds | |
| 201 | தீவினையார் அஞ்சார் விழுமியார் அஞ்சுவர் தீவினை யென்னுஞ் செறுக்கு |
| தீயவை செய்தலாகிய செருக்கைத் தீவினை உடைய பாவிகள் அஞ்சார், தீவினை இல்லாத மேலோர் மட்டுமே அஞ்சுவர். Those who have experience of evil deeds will not fear, but the excellent will fear the pride of sin | |
| 202 | தீயவை தீய பயத்தலால் தீயவை தீயினும் அஞ்சப் படும் |
| தீயசெயல்கள் தீமையை விளைவிக்கும் தன்மை உடையனவாக இருத்தலால், அத் தீயச் செயல்கள் தீயைவிடக் கொடியனவாகக் கருதி அஞ்சப்படும். Because evil produces evil, therefore should evil be feared more than fire | |
| 203 | அறிவினு ளெல்லாந் தலையென்ப தீய செறுவார்க்குஞ் செய்யா விடல் |
| தம்மை வருத்துவோர்க்கும் தீய செயல்களைச் செய்யாமலிருத்தலை, அறிவு எல்லாவற்றிலும் தலையான அறிவு என்று கூறுவர். So shalt thou wisdom's highest law, 'tis said, fulfil | |
| 204 | மறந்தும் பிறன்கேடு சூழற்க சூழின் அறஞ்சூழுஞ் சூழ்ந்தவன் கேடு |
| பிறனுக்கு கேட்டைத் தரும் தீய செயல்களை ஒருவன் மறந்தும் கூட எண்ணக்கூடாது, எண்ணினால் எண்ணியவனுக்கு கேடு விளையுமாறு அறம் எண்ணும். Even though forgetfulness meditate not the ruin of another Virtue will meditate the ruin of him who thus meditates | |
| 205 | இலனென்று தீயவை செய்யற்க செய்யின் இலனாகும் மற்றுப் பெயர்த்து |
| யான் வறியவன் என்று நினைத்துத் தீய செயல்களைச் செய்யக்கூடாது, செய்தால் மீண்டும் வறியவன் ஆகி வருந்துவான். Commit not evil, saying, "I am poor": if you do, you will become poorer still | |
| 206 | தீப்பால தான்பிறர்கண் செய்யற்க நோய்ப்பால தன்னை அடல்வேண்டா தான் |
| துன்பம் செய்யும் தீவினைகள் தன்னை வருத்துதலை விரும்பாதவன், தீயசெயல்களைத் தான் பிறருக்குச் செய்யாமலிருக்க வேண்டும். Let him not do evil to others who desires not that sorrows should pursue him | |
| 207 | எனைப்பகை யுற்றாரும் உய்வர் வினைப்பகை வீயாது பின்சென் றடும் |
| எவ்வளவு கொடிய பகை உடையவரும் தப்பி வாழ முடியும், ஆனால் தீயவை செய்தால் வரும் தீவினையாகிய பகை நீங்காமல் பின் சென்று வருத்தும். However great be the enmity men have incurred they may still live The enmity of sin will incessantly pursue and kill | |
| 208 | தீயவை செய்தார் கெடுதல் நிழல்தன்னை வீயா தடியுறைந் தற்று |
| தீய செயல்களைச் செய்தவர் கேட்டை அடைதல், ஒருவனுடைய நிழல் அவனை விடாமல் வந்து அடியில் தங்கியிருத்தலைப் போன்றது. Destruction will dwell at the heels of those who commit evil even as their shadow that leaves them not | |
| 209 | தன்னைத்தான் காதல னாயின் எனைத்தொன்றுந் துன்னற்க தீவினைப் பால் |
| ஒருவன் தன்னைத் தான் விரும்பி வாழ்பவனாயின், தீய செயலாகிய பகுதியை எவ்வளவு சிறியதாயினும் பொருந்தாமல் நீங்க வேண்டும். If a man love himself, let him not commit any sin however small | |
| 210 | அருங்கேடன் என்ப தறிக மருங்கோடித் தீவினை செய்யான் எனின் |
| ஒருவன் தவறான நெறியில் சென்று தீயசெயல் செய்யாதிருப்பானானால் அவன் கேடு இல்லாதவன் என்று அறியலாம். Know ye that he is freed from destruction who commits no evil, going to neither side of the right path | |
Related topics:
திருக்குறள்(Thirukkural) | அறத்துப்பால்(Araththuppaal) – Virtue | பொருட்பால்(Porutpaal) – Wealth | காமத்துப்பால்(Kaamaththuppaal) – Love | அதிகாரம்(Adhigaram) | திருக்குறள்(Thirukkural) - Facts
List of topics: Tamil
No comments:
Post a Comment