83. கூடா நட்பு(Kootaanatpu) - Unreal Friendship
| பொருட்பால்(Porutpaal) – Wealth | |
| நட்பியல் (Natpiyal) - Friendship | |
| கூடா நட்பு(Kootaanatpu) - Unreal Friendship | |
| 821 | சீரிடங் காணின் எறிதற்குப் பட்டடை நேரா நிரந்தவர் நட்பு |
| அகத்தே பொருந்தாமல் புறத்தே பொருந்தி நடப்பவரின் நட்பு, தக்க இடம் கண்டபோது எறிவதற்கு உரிய பட்டையாகும். The friendship of those who behave like friends without inward affection is a weapon that may be thrown when a favourable opportunity presents itself | |
| 822 | இனம்போன் றினமல்லார் கேண்மை மகளிர் மனம்போல வேறு படும் |
| இனம் போலவே இருந்து உண்மையில் இனம் அல்லாதவரின் நட்பு, பொதுமகளிரின் மனம் போல உள்ளொன்று புறமொன்றாக வேறுபட்டு நிற்கும். The friendship of those who seem to be friends while they are not, will change like the love of women | |
| 823 | பலநல்ல கற்றக் கடைத்து மனநல்லர் ஆகுதல் மாணார்க் கரிது |
| பல நல்ல நூல்களைக் கற்றுத் தேர்ந்த போதிலும், அவற்றின் பயனாக நல்ல மனம் உடையவராகப் பழகுதல், (உள்ளன்பினால்) மாட்சியடையாதவர்க்கு இல்லை. Though (one's) enemies may have mastered many good books, it will be impossible for them to become truly loving at heart | |
| 824 | முகத்தின் இனிய நகாஅ அகத்தின்னா வஞ்சரை அஞ்சப் படும் |
| முகத்தால் இனிமையாகச் சிரித்துப் பழகி அகத்தில் தீமை கொண்டுள்ள வஞ்சகருடன் நட்பு கொள்வதற்கு அஞ்ச வேண்டும். One should fear the deceitful who smile sweetly with their face but never love with their heart | |
| 825 | மனத்தின் அமையா தவரை எனைத்தொன்றும் சொல்லினால் தேறற்பாற் றன்று |
| மனத்தால் தம்மொடு பொருந்தாமல் பழகுகின்றவரை அவர் கூறுகின்ற சொல்லைக் கொண்டு எத்தகைய ஒரு செயலிலும் நம்பித் தெளியக்கூடாது. In nothing whatever is it proper to rely on the words of those who do not love with their heart | |
| 826 | நட்டார்போல் நல்லவை சொல்லினும் ஒட்டார்சொல் ஒல்லை உணரப் படும் |
| நண்பர்போல் நன்மையானவற்றைச் சொன்னபோதிலும் பகைமை கொண்டவர் சொல்லும் சொற்களின் உண்மைத் தன்மை விரைவில் உணரப்படும். Though (one's) foes may utter good things as though they were friends, once will at once understand (their evil, import) | |
| 827 | சொல்வணக்கம் ஒன்னார்கண் கொள்ளற்க வில்வணக்கம் தீங்கு குறித்தமை யான் |
| வில்லின் வணக்கம் வணக்கமாக இருந்தாலும் தீங்கு செய்தலைக்குறித்தமையால், பகைவரிடத்திலும் அவருடைய சொல்லின் வணக்கத்தை நன்மையாகக் கொள்ளக் கூடாது. Since the bending of the bow bespeaks evil, one should not accept (as good) the humiliating speeches of one's foes | |
| 828 | தொழுதகை யுள்ளும் படையொடுங்கும் ஒன்னார் அழுதகண் ணீரும் அனைத்து |
| பகைவர் வணங்கித் தொழுத கையினுள்ளும் கொலைக்கருவி மறைந்திருக்கும், பகைவர் அழுதுசொரிந்த கண்ணீரும் அத்தன்மையானதே. A weapon may be hid in the very hands with which (one's) foes adore (him) (and) the tears they shed are of the same nature | |
| 829 | மிகச்செய்து தம்மெள்ளு வாரை நகச்செய்து நட்பினுட் சாப்புல்லற் பாற்று |
| புறத்தே மிகுதியாக நட்புத் தோன்றச் செய்து அகத்தில் இகழ்கின்றவரைத் தாமும் அந் நட்பில் நகைத்து மகிழுமாறு செய்து அத் தொடர்பு சாகுமாறு நடக்க வேண்டும். It is the duty of kings to affect great love but make it die (inwardly); as regard those foes who shew them great friendship but despise them (in their heart) | |
| 830 | பகைநட்பாங் காலம் வருங்கால் முகநட் டகநட் பொரீஇ விடல் |
| பகைவர் நண்பராகும் காலம் வரும் போது முகத்தளவில் நட்பு கொண்டு அகத்தில் நட்பு நீங்கி வாய்ப்புக் கிடைத்த போது அதையும் விட வேண்டும். When one's foes begin to affect friendship, one should love them with one's looks, and, cherishing no love in the heart, give up (even the former) | |
Related topics:
திருக்குறள்(Thirukkural) | அறத்துப்பால்(Araththuppaal) – Virtue | பொருட்பால்(Porutpaal) – Wealth | காமத்துப்பால்(Kaamaththuppaal) – Love | அதிகாரம்(Adhigaram) | திருக்குறள்(Thirukkural) - Facts
List of topics: Tamil
No comments:
Post a Comment